Sivanandalahari-9

గభీరే కాసారే విశతి విజనే ఘోరవిపినే

విశాలే శైలే చ భ్రమతి కుసుమార్థం జడమతిః |

సమర్పయ ఏకం చేతస్సరసిజముమానాథ భవతే
సుఖేనావస్థాతుం జన ఇహ న జానాతి కిమహో || (9)

గభీరే కాసారే = లోతైన సరస్సులలోనికి
విశతి = దిగుచున్నారు.
విజనే ఘోరవిపినే = జనసంచారములేని ఘోరారణ్యములలోను,
విశాలే శైలే చ = మరియు విశాల పర్వతములపైనను
భ్రమతి = పరిభ్రమిస్తున్నారు
కుసుమార్థం = పుష్పముల కొఱకు
జడమతిః = మందబుద్ధులు
సమర్పయ = సమర్పించవలెను
ఏకం చేతః సరసిజం = "మనస్సు" అనెడి ఒక్క పద్మమును
ఉమానాథ భవతే = ఓ ఉమాపతీ, నీకు.
సుఖేన అవస్థాతుం = పరమానందస్థితిని పొందుటకు.
జన ఇహ న జానాతి = జనులు ఈ విషయమును తెలుసుకొనలేకపోవుచున్నారు
కిం అహో = అయ్యో! ఎందుకు?

ఓ ఉమాపతీ, మందబుద్ధులు పుష్పముల కొఱకై, లోతైన సరస్సులలో దిగుచు, నిర్జన ఘోరారణ్యములలోను, విశాల పర్వతములపైనను పరిభ్రమిస్తూ ప్రయాస పడుచున్నారు. పరమానందస్థితిని పొందుటకు, నీకు సమర్పించవలసినది - ఈ బాహ్య పుష్పములుగాక, తమ హృదయ-పద్మములను కదా! అయ్యో, జనులు ఈ విషయమును ఎందుకు తెలుసుకొనలేకపోవుచున్నారు?

కొన్ని వివరణలు:

(1) శివానందలహరి అంతా సమయాభావమువలన పారాయణము చేసుకోవడము కుదరనప్పుడు, నిత్య పారాయణ కోసమని, 10 అతిముఖ్య శ్లోకములను భగవాన్ శ్రీ రమణ మహర్షి తెలిపారు. అలా భగవాన్ రమణులు ఎంపికచేసిన 10 శ్లోకములలో ఈ శ్లోకము ఒకటి.