Sivanandalahari-18

త్వమేకో లోకానాం పరమఫలదో దివ్య పదవీం
వహన్తస్త్వన్మూలాం పునరపి భజన్తే హరిముఖాః |
కియద్వా దాక్షిణ్యం తవ శివ మదాశా చ కియతీ
కదా వా మద్రక్షాం వహసి కరుణా పూరిత దృశా || (18)

త్వం ఏకః = నీవు ఒక్కడివే
లోకానాం = మానవులకు
పరమ ఫలదః = పరమ ఫలమును (ముక్తిని) ప్రసాదించువాడవు
దివ్య పదవీం వహన్తః = దివ్యమైన పదవులను పొందినవారు
త్వత్ మూలాం = నీ మూలముగా
పునః అపిభజన్తే = తిరిగి నిన్నే పూజించుచున్నారు
హరి ముఖాః = అట్టివారందరిలో ముఖ్యుడు శ్రీహరి
కియత్ వా = ఎంత (ఉదారమైనదో)
దాక్షిణ్యం తవ శివ = నీ కారుణ్యము, ఓ శివా
మద్ ఆశా చ = నాయొక్క ఆశకూడా
కియతీ = ఎంత (అంతులేనిదో)
కదా వా = మరి ఎప్పుడు
మద్ రక్షాం = నా రక్షణ భారమును
వహసి = (నీవు) వహించెదవు?
కరుణా పూరిత దృశా = కారుణ్యముతోనిండిన నీ దృష్టిద్వారా

నీవు ఒక్కడివే మానవులకు పరమ ఫలమును (ముక్తిని) ప్రసాదించువాడవు. నీ మూలముగా దివ్యమైన పదవులను పొందినవారుకూడా, అట్టివారందరిలో ముఖ్యుడగు శ్రీహరితో సహా, పునః పునః నిన్నే పూజించుచున్నారు. ఓ శివా! నీ కారుణ్యము ఎంత ఉదారమైనదో కదా! నాయొక్క ఆశకూడా ఎంత అంతులేనిదో! మరి నీవు కారుణ్యముతోనిండిన నీ దృష్టిద్వారా నా రక్షణ భారమును ఎప్పుడు వహించెదవు?