Sivanandalahari-19

దురాశా భూయిష్ఠే దురధిప గృహద్వార ఘటకే
దురన్తే సంసారే దురిత నిలయే దుఃఖజనకే
మదాయాసం కిం న వ్యపనయసి కస్యోపకృతయే
వదేయం ప్రీతిశ్చేత్ తవ శివ కృతార్థాః ఖలు వయమ్ (19)

దురాశా భూయిష్ఠే = దురాశా భూయిష్ఠమైనది
దురధిప = దుష్టులైన యజమానుల
గృహద్వార ఘటకే = గృహద్వారములవద్దకు చేర్చునది
దురన్తే సంసారే = అంతులేని సంసార చక్రమునందు
దురిత నిలయే = దురితములకు నిలయము
దుఃఖ జనకే  = దుఃఖములకు పుట్టినిల్లు
మద్ ఆయాసం = నా ఆయాసమును
కిం న వ్యపనయసి = (నీవు) ఎందుకు తొలగించుటలేదు?
కస్య ఉపకృతయే = ఎవరికి మేలు చెయ్యడముకోసం?
వద = చెప్పవయ్యా
ఇయం ప్రీతిః చేత్ తవ = ఇదే నీవు నీ వాత్సల్యమునుచూపు విధానమైతే
శివ = ఓ పరమశివా!
కృతార్థాః ఖలు = నిజంగా కృతార్థులమే
వయం = మేము

దురాశా భూయిష్ఠమైనది, దుష్టులైన యజమానుల గృహద్వారములవద్దకు చేర్చునది, దురితములకు నిలయము, దుఃఖములకు పుట్టినిల్లు అయిన ఈ అంతులేని సంసార చక్రమునందు నా ఆయాసమును నీవు ఎందుకు తొలగించుటలేదు? ఎవరికి మేలు చెయ్యడముకోసమో చెప్పవయ్యా! ఓ పరమశివా, ఇదే నీవు నీ వాత్సల్యమునుచూపు విధానమైతే, మేము నిజంగా కృతార్థులమే!