Sivanandalahari-21

ధృతిస్తంభాధారాం దృఢగుణ నిబధ్దాం సగమనాం
విచిత్రాం పద్మాఢ్యాం ప్రతిదివస సన్మార్గ ఘటితామ్ |
స్మరారే మచ్చేతః స్ఫుట పట కుటీం ప్రాప్య విశదాం
జయ స్వామిన్ శక్త్యా సహ శివగణైస్సేవిత విభో || (21)

ధృతి స్తంభ ఆధారాం = 'కృత నిశ్చయము' అనే స్థంబమును అధారముగా చేసుకుని
దృఢ గుణ నిబధ్దాం = 'పట్టుదల' అనే త్రాళ్ళతో కట్టబడి
సగమనాం = కదిలే సామర్ధ్యము కలిగినది
విచిత్రాం = విచిత్రమైనది
పద్మాఢ్యాం = పద్మము ఆకృతిలోనున్నది
ప్రతి దివస = ప్రతిరోజు
సన్మార్గ ఘటితాం = సన్మార్గమునందు ఉంచబడునట్టిది
స్మర అరే = ఓ స్మరారీ, (మన్మధునియొక్క శత్రువు)
మద్ చేతః = నా మనస్సు
స్ఫుట పట కుటీం = తెల్లని వస్త్రముతో చేయబడిన కుటీరము
ప్రాప్య = చేరుకొనుము
విశదాం = నిర్మలమైనట్టిది
జయ = జయమగుగాక
స్వామిన్ = ఓ స్వామీ
శక్త్యా సహ = శక్తి (పార్వతీదేవి) సమేతుడవై
శివ గణైః సేవిత = శివ గణములచే సేవింపబడునట్టి
విభో = ఓ విభో, సర్వవ్యాపీ

ఓ స్మరారీ, 'కృత నిశ్చయము' అనే స్థంబమును అధారముగా చేసుకుని, 'పట్టుదల' అనే త్రాళ్ళతో కట్టబడి, కదిలే సామర్ధ్యము కలిగినది, విచిత్రమైనది, పద్మము ఆకృతిలోనున్నది, ప్రతిరోజు సన్మార్గమునందు ఉంచబడునట్టిది, తెల్లని వస్త్రముతో చేయబడిన నిర్మలమైన నా మనస్సు అనే కుటీరమును పార్వతీ సమేతుడవై చేరుకొనుము. శివ గణములచే సేవింపబడునట్టి ఓ స్వామీ, ఓ విభో, నీకు జయమగుగాక.